नवीन लेखन...

बालपण

Childhood

“देवबाप्पा” देव्हार्‍यांत तू,
नुसताच असतोस ना बसून ?
मग माझी ‘हरवलेली’ गोष्ट तेवढी,
दे ना रे शोधून |
अरे शोधून शोधून, मी गेलोय थकून,
भाऊ नाही, बहीण नाही, कोण येईल धावून ?
शाळा आणि ट्यूशनमध्ये,
पार गेलोय पिचून,
नंबरासाठी अभ्यासही
करावा लागतो घोकून |
आई बाबां साठी एखाद्या,
छंदवर्गाला बसतो जाऊन,
मग दोस्तांसाठी खेळायला,
सांग वेळ आणू कूठून ?
त्यात होमवर्कच्या टेन्शनने, गेलोय मी थकून,
कार्टून सुध्दां पाहायला देत नाहीत, डोळे बिघडतील म्हणून |
बघता बघता एक दिवस,
मी जाईन कि ‘मोठा’ होऊन,
अन् किती तरी ‘मजा’,
करायच्या जातील राहून |
कळल कां रे बाप्पा
माझं काय गेलय ‘हरवून’?
उशीर नको रे करू,
माझं “बालपण” दे ना शोधून
माझं बालपण दे ना शोधून |

— सौ. अलका वढावकर

1 Comment on बालपण

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..