नवीन लेखन...

७ – हे गुणपते श्रीगणपते

हे प्रथमपते, शारदापते, हे शिवगिरिजापुत्रा

हे गुणपते, श्रीगणपते, वंदना प्रभो स्वीकरा  ।।

 

वक्रतुंड, गजवक्र, मोरया, गणेश, सुखकर्ता,

मंगलमूर्ती, हेरंबा, हे लंबोदर, पर्वतीसुता

विघ्नविनायक, गणदेवा, प्रथमेशा ओंकार  ।।

हे गुणपते, श्रीगणपते, वंदना प्रभो स्वीकरा  ।।

 

गणाधीश हे, महेश्वराचे तुम्ही गणाधिपती

ऋध्दि-सिद्धि कर जोडुन ठाकत लवुन तुम्हांपुढती

शक्ति-युक्तिचा संगम तुम्ही हे गौरीकुमरा  ।।

हे गुणपते, श्रीगणपते, वंदना प्रभो स्वीकरा  ।।

 

धूम्रवर्ण हे, गौरीतनया, बसुन मूषकावरी

रक्तपुष्प पदिं, शंख-चक्र-अंकुश व पाश निजकरीं

गंधलिप्त शुंडेवर धरता तोलुन चराचरा  ।।

हे गुणपते, श्रीगणपते, वंदना प्रभो स्वीकरा  ।।

 

जग चाले गणराजकृपेनें, हे गजमुख, हे जगताधार

आदि-अंत विश्वाचा तुम्ही, सृष्टीला देता आकार

नाम गजानन जपतो नर, तो तरतो भवसागरा  ।।

हे गुणपते, श्रीगणपते, वंदना प्रभो स्वीकरा  ।।

 

कृपावंत एकदंतचरणीं गर्जे जयजयकार –

गणनायक, गजवदना तुमचा महिमा अपरंपार

विनायका, विनवितो – मनींच्या वांछा पूर्ण करा  ।।

हे गुणपते, श्रीगणपते, वंदना प्रभो स्वीकरा  ।।

 

वरदमूर्ति, मिटवा भय-चिंता स्पर्शुनिया माथा

दु:खाग्नी विझवा, हे संकटमोचन गणनाथा

निज-दासांचे षड्.रिपु सत्वर गणराया संहरा   ।।

हे गुणपते, श्रीगणपते, वंदना प्रभो स्वीकरा  ।।

– – –

– सुभाष स. नाईक. Subhash S. Naik

सांताक्रुझ (प), मुंबई.  Santacruz (W), Mumbai.

Ph-Res-(022)-26105365.  M – 9869002126

eMail   : vistainfin@yahoo.co.in

Website : www.subhashsnaik.com / www.snehalatanaik.com

 

 

सुभाष नाईक
About सुभाष नाईक 297 Articles
४४ वर्षांहून अधिक अनुभव असलेले सीनियर-कॉर्पोरेट-मॅनेजर (आतां रिटायर्ड). गेली बरीच वर्षें हिंदी/हिंदुस्थानी, मराठी व इंग्रजी या भाषांमध्ये गद्य-पद्य लिखाण करत आहेत. त्यांची ९ पुस्तकें प्रसिद्ध झाली आहेत. पैकी ६ ‘पर्यावरण व प्रदूषण’ या विषयावरील इंग्रजी न हिंदी कवितांची पुस्तकें आहेत. दोन पुस्तकें , ‘रामरक्षा’ व ‘गणपति-अथर्वशीर्ष’ या संस्कृत स्तोत्रांची मराठी पद्यभाषांतरें आहेत. अन्य एक पुस्तक ‘मृत्यू आणि गत-सुहृद ’ हा विषयाशी संल्लग्न बहुभाषिक काव्याचें आहे. गदिमा यांच्या ‘गीत रामायणा’चें हिंदीत भाषांतर. बच्चन यांच्या ‘मधुशालचें मराठीत भाषांतर केलेलें आहे व तें नियतकालिकात सीरियलाइझ झालेलं आहे. टीव्ही वर एका हिंदी सिट-कॉम चें स्क्रिप्ट व अन्य एका हिंदी सीरियलमधील गीतें व काव्य लिहिलेलें आहे. कत्थक च्या एका कार्यक्रमासाठी निवेदनाचें हिंदी स्किप्ट लिहिलें आहे. अनेक मराठी व हिंदी पब्लिकेशब्समध्ये गद्य-पद्य लेखन प्रसिद्ध झालें आहे, जसें की, महाराष्ट्र टाइम्स, लोकसत्ता, सत्यकथा, स्वराज्य, केसरी, नवल, धर्मभास्कर, धर्मयुग, धर्मभास्कर, साहित्य अकादेमी चें हिंदी जर्नल ‘समकालीन भारतीत साहित्य’ , मराठी अकादेमी बडोदा चॅप्टर चें मराठी जर्नल ‘संवाद’, तसेंच प्रोफेशनल सोसायटीचें इंग्रजी जर्नल यांत लेखन प्रसिद्ध झालेलें आहे.मराठी , हिंदी व इंग्लिश वेबसाईटस् वर नियमित गद्य-पद्य लेखन. कांहीं ई-बुक सुद्धा प्रसिद्ध.
Contact: Website

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..