हार्ट अटॅक रिस्क डिटेक्टर

 

आपल्याला डायबेटीस, ब्लड प्रेशरचा त्रास असेल किंवा आपण स्थूल असाल, सतत तणावाखाली असाल तर फक्त ५ मिनिटात कोणतीही नळी आपल्या रक्तवाहिनीत न घालता किंवा स्ट्रेस टेस्ट न करता फक्त झोपून आपणाला हार्टअटॅक येण्याची काय रिस्क आहे हे सांगणे फक्त ५००-६०० रुपयांत शक्य झाले आहे. या मशिनला कोलिन व्हि.पी. (प्रोफायलर) म्हणतात. यामध्ये आपली कॉम्प्युटराइज्ड नाडी परिक्षा होते ।

आपल्या दोन दंडांना व पायाला ब्लड प्रेशर, कफ बांधून दोन मनगटांना इ.सी.जी. चे पट्टे बांधून व छातीवर फोनो कार्डिओग्रामचा सेंसर बांधून फक्त ५ मिनिटांत आपल्या रक्ताच्या गतीचा अभ्यास वेव फॉर्ममध्ये (आलेख) व चारीही ठिकाणातील ब्लड प्रेशर रेकॉर्डिंग करुन अपल्या धमन्यांना होणारा अॅथेरोस्क्लेरॉसीस हा रोग ८०-९० टक्के अचूकतेने ओळखता येतो. शितावरुन भाताची परिक्षा या तत्वानुसार जो रोग सर्व रक्तवाहिन्यांना होत आहे तोच रोग आपल्या हृदयाच्या करोनरीजना व मेंदूला रक्तपुरवठा करणार्‍या धमन्यांना होत आहे असा निष्कर्ष काढून हार्ट अटॅक व स्ट्रोकची रिस्क सांगितली जाते व धमन्या सुधारण्यास स्टॅटीन, एस इन्हीबिटर अशी औषधे देऊन राहाणीमान सुधारण्याचा सल्ला ही दिला जातो.

हार्ट अटॅक येण्याचा धोका फार लवकर असल्याने योग्य तो सल्ला घेऊन पुढे येणारा प्रचंड खर्च वाचवता येऊ शकतो म्हणूनच साधारण ४० नंतर शहराच्या धकाधकीत रहाणार्‍या प्रत्येक माणसाने हा तपास करणे जरुरी आहे.

या मशिनमध्ये पुढची पायरी म्हणजे व्यायाम केल्यानंतर वेव्ह फॉर्म किंवा ब्लड प्रेशरमध्ये होणारे बदल यांचा अभ्यासही करता येतो. दरवर्षी आपल्या रक्तवाहिन्यांमध्ये होणार्‍या बदलांचा गुणात्मक अभ्यासही करता येतो.

— डॉ. श्रीकांत कमलाकांत राजे

डॉ. श्रीकांत राजे
About डॉ. श्रीकांत राजे 21 Articles
ठाणे येथील सुप्रसिद्ध रेडिओलॉजिस्ट. एक्स-रे आणि सिटी स्कॅन या विषयांतील तज्ज्ञ. मेडिव्हिजन या डायग्नॉस्टिक्स सेंटरचे संचालक. “मेडिकल इमेजिंग” या क्ष किरण व मॉडर्न इमेजिंग विषयांवरील पहिल्या मराठी पुस्तकाचे लेखक. सर्वसाधारण माणसाला या विषयावरील महत्वाची माहिती थोडक्यात मिळण्यासाठी या पुस्तकाचा मोठा उपयोग झाला.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…