सासरची आठवण

ओढ लागली आतां मजला, माझ्या सासरची   //धृ//

बाळ चिमुकले गोजिरवाणे, त्यांना दाखविण्याची

धन दूज्याचे म्हणूनी घेतले

परके त्यासी नाही समजले

बालपणीं जे प्रेम जमविले

क्षणांत मजला तेच मिळाले

भासली नाहीं उणीव तेथे, आईच्या मायेची   //१//

ओढ लागली आतां मजला, माझ्या सासरची

खट्याळ भाऊबहीण येथें

दिर नणंद तसेच तेथे

बहीण वहीनी एकच नाते

हट्ट पुरविण्या दुजे नव्हते

पदोपदीं करुन देई, आठवण भावंडाची   //२//

ओढ लागली आतां मजला, माझ्या सासरची

संसार दुःखे स्वशिरीं घेऊनी

सुख वाटले सदैव त्यानीं

मान मिळे मज पुन्हां सत्वरी, त्यांच्या सेवेची   //३//

ओढ लागली आतां मजला, माझ्या सासरची

सासरीं गेले सोडूनी बालपण

दुज्यासाठीं करण्या समर्पण

फुलणें फळणें खरे जीवन

हवे निसर्गा हेच ते धन

माहेर सासर एकची मिळूनी, ठरले मी भाग्याची   //४//

ओढ लागली आतां मजला, माझ्या सासरची

 

डॉ. भगवान नागापूरकर
९००४०७९८५०
bknagapurkar@gmail.com

 

Avatar
About डॉ. भगवान नागापूरकर 1541 Articles
डॉ. भगवान नागापूरकर हे निवृत्त सिव्हिल सर्जन आहेत. ते ठाणे येथे वास्तव्याला आहेत. त्यांचे अनेक लेखसंग्रह आणि काव्यसंग्रह प्रसिद्ध आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…