Web
Analytics
निळ्या मखमली ढगांवरती – Marathisrushti Articles

निळ्या मखमली ढगांवरती

निळ्या मखमली ढगांवरती,
चला स्वार होऊ,—
डोळे भरून ही दुनिया,
पहात पाहत पुढे जाऊ,—
थंडगार हवेत त्या,
मेघांचे ओढून शेले,
हळूच दबकत, लपतछपत, सूर्यापासून दूर होऊ,—
उबदार त्या वातावरणी,
अलगद खेळत राहू,
मस्तमौला जगत जगत,
वरून डोकावून पाहू,—
खाली दिसती पर्वतरांगा,
नद्या कशा वाहती,
पर्वताच्या कुशीत कसे,
धबधबे खाली ओसंडती,—
थेंबांची नाजूक नक्षी,
कोसळते वरून खाली,
खालून बिंदूंची रांग बघा,
पुन्हा कशी वरती आली,
पाण्याची ही किमया केवढी,
वरून शोभिवंत दिसे,
काय काय आहे या जगी,
वरूनच नीट कळत असे, —
झाडे वृक्ष लता वेली,
वरून भासती संन्यासी,
तप”त्यांचे जाणून घ्या हो,.
सगळे समर्थ अतिशय किती,
माणसे दिसती मुंग्यांसारखी,
पशु पक्षी आणि प्राणी,
वरून पाहता सगळे छोटे,
मोठे तर नाहीच कोणी,
घरे शेते गावे शहरे,
दिसती वरून बघा छोटी,
का उगा गर्व”” माणसा,
माझे-तुझे करण्यासाठी
श्रेष्ठ कोण ते वरून कळते,
जेव्हा निसर्ग बहरतो,
कल्पना करूया तो नसता,
काय करू शकलो असतो,-?
स्वार्थापेक्षा मोठी ठरे,
अखिल चराचर सृष्टी,
देवघेवीतही माणूस कमी,
किती संकुचित दृष्टी,–?

हिमगौरी कर्वे.©

About हिमगौरी कर्वे 26 Articles
मी मराठी भाषेची शिक्षिका असून मला काव्यलेखनाची खूप आवड आहे. माझा ज्योतिषाचा छंद असून मी व्यावसायिक ज्योतिषीही आहे. अमराठी लोकांना मराठी शिकवणे असे खास काम करत असते. त्यामध्ये अनेक विद्यार्थी इंग्रजी माध्यमातील असतात. बाहेरच्या राज्यातून येणारे अमराठी लोक शिकतात. क्वचित प्रसंगी परदेशी लोकही शिकतात. मला वाचनाची खूप आवड आहे. मी एक *काव्यप्रेमी* बाई आहे.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

कोकणचा मेवा – टिकाऊ पदार्थ

ताज्या कोकणी मेव्याची चव अनुभवणे ही पर्वणीच असते. मात्र वर्षभर ...

कोकणचा मेवा – जामफळ

उन्हाळ्यातील उष्णता कमी करण्यासाठी निसर्गत: डोंगर उतारावर येणारे फळ म्हणजे ...

कोकणचा मेवा – फणस

प्रवासात सामानाचे वजन वाहून नेतांना कष्ट पडतात. पण कोकणातला फणस ...

कोकणचा मेवा – जांभूळ

कोल्हापूरकडे जातांना आंबा घाटाच्या परिसरात जांभळाची झाडे अधिक प्रमाणात आहेत ...

Loading…