दारूबंदी शब्द ऐकुनी भिऊ लागली दारू

दारूबंदी शब्द ऐकुनी भिऊ लागली दारू
चर्चेनंतर प्याले भरता पुन्हा हासली दारू

कितीजणांच्या संसाराची धूळ उडाली आहे
पण पाठीशी शासन म्हणुनी पहा माजली दारू

मला म्हणाले संयोजक घ्या तुम्ही मानधन थोडे
पण संमेलन झाल्यानंतर खूप वाटली दारू

गझला माझ्या ऐकत श्रोते जसे लागले डोलू
अता तुझी ही नशा मला दे म्हणू लागली दारू

नारळपाणी प्यावे किवा चहा कधीही प्यावा
चुकूनही हे म्हणू नये की -असे चांगली दारू

गडे तुझ्या या येण्याआधी खुणवत होती मजला
तुझे पाहिले डोळे तेव्हा किती लाजली दारू

सत्काराचे हार म्हणाले, हे विजयी नेत्यांनो
सांगा रात्री मतदारांना किती वाटली दारू

तुम्ही बातम्या पहाल रंगित तेव्हा नक्की समजा
इथे रंगल्या पाट्यार् आणिक इथे रंगली दारू

इंग्रज गेले तरी तिचे हे इंग्लिश पक्के आहे
पण सांगा ही शुध्द मराठी कधी बोलली दारू

कुठे जिजाऊ, कुठे सावित्री,कुठे अरे ती झाशी
आईसोबत अता पिती ही मुले आपली दारू

याच्या त्याच्या हाताने मी कशास घेऊ प्याला
ख्रिस्ताने प्रेमाची जेव्हा मला पाजली दारू

— प्रदीप निफाडकर

Avatar
About प्रदीप निफाडकर 35 Articles
श्री. प्रदीप निफाडकर हे ज्येष्ठ पत्रकार असून गझल या विषयाचा त्यांचा मोठा अभ्यास आहे. त्यांनी स्वत: अनेक गझला लिहिल्या असून अनेक गझलांचे भाषांतरही केले आहे. गझलेत वात्सल्य आणणारे आणि प्रेम व दारूत अडकलेल्या गझलेला कौटुंबिकता प्राप्त करून देणारे श्री.निफाडकर हे गझलसम्राट सुरेश भट यांचे शिष्य असून, पत्रकार म्हणूनही ते सुपरिचित आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…

error: या साईटवरील लेख कॉपी-पेस्ट करता येत नाहीत..