जगाने उरी जी धरावी गझल

जगाने उरी जी धरावी गझल
अशी एक मजला सुचावी गझल

मला लोक हे गुणगुणू लागले
कुणी लाख माझी न गावी गझल

कथा मी लिहावी न कादंबरी
तुला भेट द्याया लिहावी गझल

रहावेत हे पाय जमिनीवरी
नभा स्पर्श करण्या उडावी गझल

हवेची जशी वाट बघते धरा
जिवाला तशी ओढ लावी गझल

कुणाची तरी पैंजणे वाजली
उघड दार आली असावी गझल

म्हणाला मला राम स्वप्नामध्ये,
‘‘ तुझी एक मीही विणावी गझल’’

तुझ्या सोबतीने फिरावी गझल

इथे बैस म्हणता बसावे तिने
‘‘निघू’’बोललो की निघावी गझल

जरी पाचशे शेर लिहिलेस तू
तरी का तुला ना मिळावी गझल

— प्रदीप निफाडकर

Avatar
About प्रदीप निफाडकर 35 Articles
श्री. प्रदीप निफाडकर हे ज्येष्ठ पत्रकार असून गझल या विषयाचा त्यांचा मोठा अभ्यास आहे. त्यांनी स्वत: अनेक गझला लिहिल्या असून अनेक गझलांचे भाषांतरही केले आहे. गझलेत वात्सल्य आणणारे आणि प्रेम व दारूत अडकलेल्या गझलेला कौटुंबिकता प्राप्त करून देणारे श्री.निफाडकर हे गझलसम्राट सुरेश भट यांचे शिष्य असून, पत्रकार म्हणूनही ते सुपरिचित आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…