दोडक्याचे मुटकुळे

साहित्य : दोडके ३०० ग्रॅम, कणीक १ वाटी, बेसन अर्धी वाटी, तेल ४ चमचे, मोहरी १ चमचा, हळद, तिखट, मीठ चवीनुसार, हिंग चिमूटभर, कोथिंबीर.

कृती : प्रथम अर्धी वाटी कणीक, अर्धी वाटी बेसन चांगले भाजून घ्या. २ चमचे तेल घेऊन त्यामध्ये मोहरी फोडणीला टाकून थोडी आल्याची पेस्ट घाला. त्यानंतर हळद, पाव चमचा आमचूर पावडर, चवीनुसार साखर, तिखट, हिंग व मीठ घालून ही दोन्ही पीठं त्यामध्ये परतून घ्या. थोडे पाणी शिंपडून त्याचे मुटकुळे बनवून घ्या. ३०० ग्रॅम दोडके व्यवस्थित चिरून त्याला हींग, मोहरी, हळद व तिखटाची फोडणी देऊन चवीनुसार मीठ घाला. त्यावर हे मुटकुळे ठेवून झाकण लावून बंद करा.. दोडक्याला जे पाणी सुटेल त्या पाण्याच्या व वाफेवर मुटकुळे शिजू द्या. कोथिंबीर घालून खायला द्या.

टीप : यात आपण कणीक आणि बेसन वापरले आहे. पण याशिवाय तुम्ही एखादी डाळ, ज्वारी, बाजरीचे पीठ किंवा थालीपिठाची, चकलीची भाजणी वापरू शकता.

संजीव वेलणकर पुणे.
९४२२३०१७३३

Avatar
About संजीव वेलणकर 617 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*