नवीन लेखन...

झुळूक इतक्या मंदपणे ती झुळकत होती

गझल

जाती: समजाती-पद्मावर्तनी-अनलज्वाला

मात्रा: ८+८+८=२४मात्रा

**************************************

झुळूक इतक्या मंदपणे ती झुळकत होती

खिन्न मनाची राख बिचारी धुमसत होती

 

का न उडाली चैतन्याची ठिणगी देखिल

आशेची धग नैराश्याला जाळत होती

 

अवघी दुनिया निद्रेमध्ये बुडली होती

नि:शब्दाची निश्चलता कल्लोळत होती

 

सुखलोलुप कोलाहलास ना ऐकू गेले

मुकी आसवे दु:खांची किंचाळत होती

 

कधी तरी गाठेल वाट ही गन्तव्याला

याच खातरीमुळे पावले चालत होती

 

तख्त उगा ना गेले त्यांचे हा हा म्हणता

उक्ती अन् करणी यांच्यात तफावत होती

 

असे बोललो जणू जन्मजन्माची ओळख

तिची नि माझी ती पहिलीच मुलाखत होती

 

तडजोडी केल्यात त्यामुळे तगलो इथवर

कुठे मला जिंदगी स्वत:ची भावत होती

 

हेच खरे की, स्थान अढळ नसते कोणाचे

आज कुठे तारका, काल जी चमकत होती

 

अपरात्रीच्या सूर्यानेही वंदन केले

एक ज्योत अगदी नेटाने तेवत होती

 

प्रा.सतीश देवपूरकर

महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..