नवीन लेखन...

अक्षोटक / अक्रोड

ह्याचा मध्यम उंचीचा सुगंधी वृक्ष असतो. त्वचा २-५ सेंमी जाड,धुरकट रंगाची उभ्या भेगा असलेली असते.गाभा धुरकट व त्यावर काळे डाग असतात.पाने संयुक्त व १५-३० सेंमी लांब असतात.पर्णदल ५-११ किंवा ७-९ ह्या जोडीत असतात.हि ८-२० सेंमी लांब व ५-१० सेंमी रूंद असतात व पुष्प एकलिंगी असून ६-१२ सेंमी लांब असते.फळ गोल कठिण कवचाचे व कवचावर उभ्या रेषा असलेले असून फलमज्जा मेंदूच्या आकाराची असते.हिचा उपयोग खाण्याकरिता होतो.

ह्याचे उपयुक्तांग आहे त्वचा,बीज व बीज तेल. अक्रोड चवीला गोड,उष्ण गुणाचा जड व स्निग्ध असतो.हा वातशामक व कफपित्त वर्धक आहे. फल त्वचा हि तुरट चवीची व थंड असते.

चला आता आपण ह्याचे औषधी उपयोग जाणून घेऊयात:

१)अक्रोडाची फलत्वचा हिरड्यांच्या मजबूतीसाठी दंतमंजनार्थ वापरतात.

२)सुकी खोकली येत असल्यास अक्रोडाची फलमज्जा भाजून देतात.

३)अक्रोड बल्य असल्याने अशक्तपणा मध्ये उपयोगी आहे.

४)अक्रोडाचे फलत्वचा चुर्ण रक्तस्तंभक म्हणून उपयुक्त आहे.

५)अक्रोड फलमज्जा मस्तिष्क बल्य आहे.

(सुचना: ह्या लेखातील वनस्पती वैद्यांचा सल्ला घेऊनच वापरावे )

(कृपया फोटो चुकला असल्यास सांगावे हि विनंती)

वैद्य (सौ) स्वाती हेमंत अणवेकर
आरोग्य आयुर्वेदीक क्लिनीक,
म्हापसा गोवा.
संपर्क:९९६०६९९७०४
©️Dr Swati Anvekar

वैद्य (सौ) स्वाती हेमंत अणवेकर
About वैद्य (सौ) स्वाती हेमंत अणवेकर 202 Articles
वैद्य (सौ) स्वाती हेमंत अणवेकर गेली १० वर्षे गोव्यामध्ये म्हापसा शहरात आरोग्य आयुर्वेदीक क्लिनीकच्या माध्यमातून पंचकर्म, आहार मार्गदर्शन, सुवर्णप्राशन असे उपक्रम राबवीत आहेत. लेखनाची आवड असल्याने त्या विविध स्थानिक वृत्तपत्रातून आयुर्वेद व सामाजिक समस्यांशी निगडीत लेखन त्या करतात तसेच आरोग्यसंबंधित विषयांवर शाळा, कॉलेज इ मध्ये व्याख्यान देतात. आहार या विषयात जास्त रूची असल्याने व त्यावर अभ्यास आणि वाचन असल्याने त्यांनी आपला किचन क्लिनीक या सदराद्वारे ऑनलाईन लिखाण सुरु केले आहे. त्या आरोग्य भारती व जायंट्स ग्रूपच्या सदस्य देखील आहेत. आयुर्वेद शास्त्राचा जमेल तेवढा अभ्यास करून त्याचा प्रचार व प्रसार करण्याची त्यांची मनीषा आहे.
Contact: Website

महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..