नवीन लेखन...

पत्थर हो, गर्जना धडकुनी मागे फिरते

गझल
जाती: समजाती-पद्मावर्तनी-अनलज्वाला
मात्रा: ८+८+८=२४मात्रा
*************************************
पत्थर हो, गर्जना धडकुनी मागे फिरते
असो टोमणा वा लाखोली, मागे वळते

वस्तू कुठल्याही रंगाची कधीच नसते
नजर रंग जो टिपेल त्या रंगाची दिसते

व्यक्ती-व्यक्ती, वस्तू-वस्तूत आगळेपण
परावर्तनाची क्षमता वेगळीच असते

कशी गझल एकजात भावावी सगळ्यांना
समज, उमज अन् कुवत कुठे सारखीच असते

विधिलेखातच कपाळातल्या लिहून येते
पहाताक्षणी शतजन्माचे नाते जुळते

लाट विचारांची येते अन् निघून जाते
तटाप्रमाणे मन माझे निर्विकार असते

वठलेल्या झाडास पाहतो तेव्हा कळते
काय अवस्था होते जेव्हा नजर लागते

एक वेदना अंगाई गाते मजसाठी
मला झोप लागावी म्हणुनी उशास बसते

असे वाटते प्रेमामध्ये पडलो मीही
नजर सारखी का माझी शून्यात लागते

गोठवणा-या तमातही वाटचाल करतो
हृदयामध्ये एक आगटी तेवत असते

प्रा. सतीश देवपूरकर

महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..