नवीन लेखन...

मॅडम

मॅडम , तुम्ही फार छान दिसता जितक्या छान दिसता त्यापेक्षाही छान तुम्ही हसता

मॅडम , तुमचंही एक घर असेल नवरा असेल , सासू असेल , सासरा असेल , दीर असेल घरात सारखी पीरपीर असेल जाऊ बाई जोरात असतील नणंद बाई तोऱ्यात असतील तुम्हाला छोटी छोटी मुलं असतील तुमच्या बागेत फुलं असतील सर्वांसाठी तुम्ही अहोरात्र झिजता

आणि तरीही , मॅडम तुम्ही फार छान दिसता जितक्या छान दिसता त्यापेक्षाही छान तुम्ही हसता.

तुमच्याही घरात भांड्याला भांडे लागत असणारच कुणी आपुलकीने तर कुणी द्वेषाने वागणारच कुणी रुसणार , कुणी फुगणार कुणी रागवणार , कुणी जागवणार कुणी भरवणार , कुणी जीरवणार मन मारून तुम्ही सगळ्यांचच मन राखता आणि तरीही , मॅडम तुम्ही फार छान दिसता जितक्या छान दिसता त्यापेक्षाही छान तुम्ही हसता सासऱ्याची एकादशी सासूचा प्रदोष नवरा म्हणतो मटण कर त्याचा काय दोष दीर म्हणतो गरम वाढा नणंद म्हणते उष्टी काढा आजेसासूची गोळीची वेळ मुलं म्हणती आमच्याशी खेळ नवऱ्याचाही असतो थाट नखरे त्याचे सतराशे साठ आल्या गेल्याचही तुम्ही किती बेवार बघता

आणि तरीही , मॅडम तुम्ही किती छान दिसता जितक्या छान दिसता त्यापेक्षाही छान तुम्ही हसता

तुम्हालाही मन आहे कोण जाणतं ? तुम्हालाही भावना आहे कोण जाणतं ? तुम्हीही माणूस आहात कोण मानतं ? त्यांना तुमचं काम हवं कमावून आणलेलं दाम हवं तुमची माया हवी तुमची अख्खी काया हवी विनातक्रार तुम्ही सारं कसं काय सोसता ?

पण जाऊद्या , मॅडम तुम्ही फार छान दिसता
जितक्या छान दिसता त्यापेक्षाही छान तुम्ही हसता.

— विक्रम पाटील 

Avatar
About Guest Author 522 Articles
मराठीसृष्टीवर ज्या लेखकांनी स्वत:चे अकाऊंट बनवले नाही त्यांचे लेख या Guest Author द्वारे प्रकाशित होतात. आपले सर्व लेख एकत्रितपणे मिळवण्यासाठी स्वत:चे अकाउंट मराठीसृष्टीवर जरुर बनवा.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..