लक्ष्मीपूजन

आश्विन अमावस्येला प्रदोष काळी लक्ष्मीपूजन केले जाते. लक्ष्मीची पूजा करून प्रार्थना करतात.

‘हे लक्ष्मी देवी, तू सर्व देवांना वर देणारी व विष्णूंना प्रिय आहेस. तुला शरण येणाऱ्यांना जी गती प्राप्ती होते ती तुझ्या दर्शनाने मला प्रास होवो.’

लक्ष्मीजवळ कुबेराची पूजा केली जाते. त्याची प्रार्थना – निधी व पद्य यांचा अधिपती असलेल्या कुबेरा, तुला माझा नमस्कार असो, आपल्या कृपेने धनधान्यादि संपत्ती प्रास होवो.

मध्यरात्रीनंतर अलक्ष्मीला हाकलविण्यासाठी सुपे व दिमडी वाजवितात.

पुराणांत असे सांगितले आहे – या दिवशी रात्री लक्ष्मी सर्वत्र संचार करते व निवासासाठी योग्य स्थानाचा
शोध घेते. जेथे स्वच्छता शोभा, रसिकता, चरित्र्यवान माणसे, कर्तव्यदक्ष, संयमी, धर्मनिष्ठ, देवभक्त, क्षमाशील माणसे असतात तेथे ती वास्तव्य करते.

काही ठिकाणी वहीपूजन लक्ष्मीपूजनाचे दिवशी करण्याची प्रथा आहे.

— विद्याधर करंदीकर