नवीन लेखन...

अवनीवर घन:श्यामी कोण हे…

|| हरि ॐ ||

क्षणात आले नभी मेघ कृष्ण हे,

रंग छटांनी बदलले निर्झर !

उतरले अवनीवर घन:शामी कोण हे,

बदलत्या विविध आकृत्यांनी झरझर !

बरसू लागले श्याम मेघ ते

अवखळ झाल्या सरीता साऱ्या !

समुद्रही झाला वेडापिसा,

झोके घेती फेसाळ लाटा किनाऱ्या !

मेघ अलिंगती लता-वेलीते,

आळवत आपली प्रेमगीते !

सुरु लपंडाव आडोश्याने,

स्वरमधुर वारा-पाऊस नृत्याने !

युगल प्रेमी वेडेपिसे होऊन,

नाचती धुंद होऊन हाती हात घेऊन, !

फुलपाखरे ही भिरभिर फिरती,

विविध रंगी फुलांवरून ती !

आवाज टपोर्‍या थेंबांचा, लालचुटूक कौलांतून,

घेण्या कवेत पागोळ्या, मौज मुलांना त्याहून !

क्षणात पागोळ्यांच्या नद्या अंगणांत,

सज्ज होडया कागदांच्या विहार करण्यात्यांत !

बिचारी पिल्ले ओलीचिंब कुडकुडती घरट्यांत,

पंख पसरुनी पिल्लांना उबदेण्या धडपडते पक्षीण !

नाही त्याला दयामाया दररोज भिजवी घरटे तिचे,

बरसता वाकुल्या दावी गडगडाटे होता धोण !

सर्वत्र पसरला मातीचा सुगंध,

बळीराजा आनंदाने गाई गीत धुंद !

पेरणीची लगबग हातात असे औत,

भगवंताचे अभंग सदोदित मुखात !

जगदीश पटवर्धन, बोरिवली (प)

— जगदीश पटवर्धन

जगदीश अनंत पटवर्धन
About जगदीश अनंत पटवर्धन 227 Articles
एम.कॉम. एल.एल.बी. असलेले श्री पटवर्धन हे एक बहुआयामी व्यक्तिमत्त्व आहे. चित्रकला, तबला वादन, क्रिकेट, टेबल टेनिस शास्त्रीय संगीत ऐकण्याची त्यांना आवड आहे. त्यांनी अनेकविध विषयांवर आजपर्यंत लेखन केले आहे.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..