‘मी मराठी’ असल्याचा अभिमान

पु.ल.देशपांडे यांच्या लेखावर आधारित खालील उतारा ‘मी मराठी’ असल्याच्या कडव्या अभिमानाने व महाराष्ट्र दिनाच्या निमित्ताने प्रकाशित केला होता. तो आपल्यासाठी पुन्हा एकदा.


महाराष्ट्र दिनाच्या सर्वचजण एकमेकांना शुभेच्छा देतात. परंतू या शुभेच्छा देताना काही गोष्टींची, विशेषतः महाराष्ट्राच्या ‘मराठी परंपरे’ची, आठवण करून देण्यासाठी खालील उतारा लिहीला आहे. थोडा वेळ काढून जरूर वाचावा ही विनंती..

‘..मुघल काय किंवा इंग्रज काय, कुणाही परकीयांच्या हातून भारताला स्वतंत्र करण्यासाठी जे जे प्रयत्न झाले त्यांत ‘मराठी रक्त’ जितके सांडले तितके अन्य प्रांतातील रक्त सांडले नाही, याची साक्ष देत इतिहास उभा आहे.!

परकीय आक्रमकांवर मराठी माणसाची जबरदस्त दहशत होती आणि आहे. ‘मरा पर हटा नही’ हे ‘मरहट्टा’ माणसाबद्दल मुघल म्हणायचे ते काही उगाचं नव्हे!

आमच्या मराठी स्त्रियाही या बाबतीत मागे हटणार्‍या नाहीत. ज्या वेळेस इतर प्रांतातील स्त्रिया परक्यांच्या आक्रमणाच्या वेळेस अब्रूरक्षणार्थ ‘जोहार’ करत होत्या त्यावेळेस मराठी रणरागिणी मुलं पाठुंगळी बांधून रणांगणात शत्रुशी त्वेषाने लढत होत्या. सैन्याचं नेतृत्व करत होत्या.

आजही ‘दिल्ली दरबार’ मराठी माणसाला १०० पावले दूरच ठेवतो आणि ही मराठ्यांच्या दहशतीची परंपरा औरंगजेबापासून सुरू आहे.

छत्रपतींच्या वारशाचा मराठी माणसाला जाज्वल्य अभिमान आहे. ‘महाराष्ट्र मेले तर राष्ट्र मेले’ , मराठ्याविन राष्ट्रगाडा न चाले’ ही भावना मनात कायम जपणारा मराठी माणूस आजही भारताच्या एकसंघत्वास जिथे धोका आढळेल तिथे, देशरक्षण हे फक्त ‘आपले कर्तव्य’ आहे, अशा हिरिरीने तीथे मारायला अथवा मरायला सर्वात प्रथम जाईल..!! मुंबईसह संयुक्त महाराष्ट्राच्या चळवळीच्या बुडाशी हीच भावना होती..’

पु.ल.देशपांडे यांच्या लेखावर आधारीत वरील उतारा, ‘मी मराठी’ असल्याच्या कडव्या अभिमानाने व महाराष्ट्र दिनाच्या निमित्ताने आपल्याला पेश केला आहे..!!

जय महाराष्ट्र..!!

– गणेश साळुंखे



महासिटीज…..ओळख महाराष्ट्राची

marathi-barakhadi-chaudakhadi

मराठी बाराखडी आता चौदाखडी

मराठी बाराखडीची ओळख तर आपल्या सर्वांना शाळेपासूनच होते. मात्र आता ...
beed-kankaleshwar-temple-300

ऐतिहासिक शहर बीड

बीड हे मराठवाड्यातील ऐतिहासिक शहर आहे. या शहरातून बिंदुसरा नदी ...
pune-pimpri-chinchwad-manapa

पिंपरी – चिंचवड : पुण्याचे जुळे शहर

एके काळी पुण्याचे उपनगर मानले जाणारे पिंपरी-चिंचवडची ओळख आता पुण्याचे ...
p-475-ThermalPowerstationBhusawal

भुसावळ

भुसावळ हा जळगाव जिल्ह्यातील सर्वात मोठा तालुका असून या शहरात ...

Loading…

नितीन अनंत साळुंखे  उर्फ गणेश
नितीन अनंत साळुंखे  उर्फ गणेश यांच्याविषयी... 235 लेख
श्री नितीन साळुंखे (मित्रपरिवारात गणेश या नावाने परिचित) हे मुळचे सिंधुदुर्ग जिल्ह्यातील वैभववाडी तालुक्यातील खांबाळे या गावचे. सध्या मुक्काम मुंबईत. वाचन, लेखनाची अत्यंत आवड. स्वत:चा ७०० हून जास्त पुस्तकांचा संग्रह. इतिहास, भाषा,शब्दांचा जन्म, देव, धर्म, संस्कृती, प्रथा, परंपरा यांचा अर्थ काय व त्या कशा अस्तित्वात आल्या याचा शोध घेण्याची विशेष आवड. लहानपणापासून संघ स्वयंसेवक व संघविचारांशी एकनिष्ठ. पुणे येथील संघप्रणित सर्वात मोठ्या अशा जनता सहकारी बॅंकेतील प्रदिर्घ नोकरीनंतर त्यांचे मित्र आणि आमदार प्रमोद जठार यांच्याबरोबर काम करण्यासाठी त्यांनी २००७ मध्ये नोकरी सोडली. त्याचबरोबर मित्राबरोबर मुंबईत बांधकाम व्यवसायात पदार्पण. २०-२२ वर्षांचा ज्योतिष शास्त्राचा अभ्यास असल्यामुळे परिचितांमध्ये एक उत्तम ज्योतिषी म्हणून ओळख. सर्व थरातील मित्र. त्यातही बहुतकरून लेखक, कविंचा, कलाकारांचा जास्त भरणा.

पहिला अभिप्राय नोंदवा

अभिप्राय नोंदवा

Your email address will not be published.


*