बदल ….

थकलेले, कंबरेत वाकलेले सरते वर्ष
मोठ्या उमेदीने उमलत्या नववर्षाला बोटाला धरून पुढे आणते..
सरत्या वर्षाची जेंव्हा सुरुवात झाली होती तेंव्हा त्यालाही असेच बोटाला धरून मागच्या वर्षाने प्रकाशवाटा दाखवल्या होत्या.
तो जल्लोष, ते भव्य स्वागत आठवतना सरत्या वर्षाचे डोळे पाणावून जातात.
ओलेत्या डोळ्यांनी, जड पावलांनी मागे वळून पाहत सरते वर्ष अंतिमपर्वात येतं.
हळूहळू नजरेआड होत धूसर होत भूतकाळाच्या अंधारयात्रेत विलीन होते..

जो तो उगवत्याचे कौतुक करतो, आनंद व्यक्त करतो, त्याच्या स्वागतासाठी फुलांच्या पायघडया अंथरतो !
सरत्याचे काय होत असेल ?
तो भूतकाळाच्या कुपीत बंदिस्त होतो,
त्याच्याविषयीच्या सर्वांच्या जाणिवा असमान होत जातात…
कुणी त्याला कोसतो, कुणी त्याला दोष देतो तर कुणी त्यावर नाखूष असतो. क्वचित एखादाच त्याच्यावर फिदा असतो.
जुने जाऊद्या मरणालागुनि असे म्हणत गेलेल्याच्या जखमांवर मीठ चोळतो.

दुःखाच्या हातात हात गुंफुनी सुख येऊ शकत नाही,
गतकाळाला मागे टाकल्याशिवाय वर्तमानास पुढे येता येत नाही.
मागे पुढे होताना हे दोघे एकमेकाशी बोलत असतील का ?
सरत्या वर्षाचे अनुभव नव्या वर्षाला वारसा रूपाने मिळत असतील का ?
दोघे गळ्यात गळा घालून निरोप देत असतील का ?
का माणसासारखं तुसडं वागत असतील ?
तुझं माझं करत असतील का ?
काहीही होवो पण एक घटिका अशी येतच असणार जेंव्हा हे दोघे निमिषार्धासाठी एकत्र असतील,
तेंव्हा काय बोलत असतील हे दोघे जण ?

मला वाटते सरते वर्ष नव्या वर्षाला सावध करत असेल,
मनुष्य नावाच्या स्वार्थी प्राण्यापासून जपून राहण्याचा सल्ला देत असेल.
नैसर्गिक आपत्तींची चाहूल देण्याविषयी विनवत असेल.
महापुरुषाच्या मृत्यूचा अन विध्वंसकारी युद्धाचा डाग भाळी लावून घेऊ नको म्हणून सूचित करत असेल..
जमेल तितके सत्कार्य करण्यासाठी खुशामत करत असेल !

अंधाराच्या गर्भातून प्रसवणारया नववर्षाच्या वेणा नियतीला ठाऊक असतात.
कॅलेंडरची पाने पालटून आणि ग्रहदशा अभ्यासून माणूस त्या जाणू पाहतो, गवसलेल्या अर्ध्यामुर्ध्या अर्थाने हुरळून जातो.
विस्तीर्ण आकाशगंगेच्या खिजगणतीतही नसणारा हा जीव तरीही आपल्या बुद्धीच्या आधारे काळाला गवसणी घालू पाहतो !
झालं गेलं विसरून नव्या वर्षाच्या शुभेच्छा दरसाली देत राहतो,
सनावळीतील बदलानंतर येणारा काळ सुख समाधानाचा असेल या कल्पनेने मोहरून जातो …

— समीर गायकवाड



महासिटीज…..ओळख महाराष्ट्राची

p-1784-Yavatmal-pandulipi

यवतमाळचे शारदाश्रम पांडुलिपी संशोधन केंद्र

महाराष्ट्रातील यवतमाळ शहरात इतिहास संशोधक डॉ. वाय देशपांडे यांनी सन ...
p-2052-kapad-udyog

कापड उद्योगाचे शहर – अमळनेर

महाराष्ट्रातील जळगाव जिल्ह्यातील अमळनेर हे कापड उद्योगासाठी प्रसिध्द आहे. भुसावळ ...
p-1832-Gadchiroli-bambu

जंगल-डोंगरदर्‍यांच्या गडचिरोली जिल्हा

महाराष्ट्र राज्यातील गडचिरोली हा एक आदिवासी जिल्हा.  हा नक्षलग्रस्त जिल्हा म्हणून आता प्रसिद्ध आहे.

जिल्ह्यातील धानोरा, एटापल्ली, अहेरी व ...

p-1796-chakan-volksvogan

पुण्याजवळची उद्योगनगरी – चाकण

पुणे जिल्ह्यातील प्रसिध्द गाव आहे. या गावाचे गेल्या काही वर्षात छोट्या शहरात रुपांतर झाले आहे.

पुणे -नाशिक मार्गावर, पुणे शहरापासून ३३ किमी वर असलेल्या  असलेल्या चाकणजवळच वेगाने ...

Loading…

समीर गायकवाड यांच्याविषयी... 154 लेख
समीर गायकवाड हे अनेक विषयांवर इंटरनेटवर लेखन करत असतात. त्यांचे लेखन अतिशय वास्तववादी असते. गायकवाड यांना विषयाचे कोणतेही बंधन नाही. ते जसे वैचारिक लेखन करतात तसेच चित्रपटांची परिक्षणेही लिहितात. समीर गायकवाड हे सोलापूरचे रहिवासी आहेत.

पहिला अभिप्राय नोंदवा

अभिप्राय नोंदवा

Your email address will not be published.


*